Boks: Nazym Qyzaıbaı Azııa chempıonatynyń 1/4 fınalyna ótti

ASTANA. QazAqparat – Iordanııanyń Amman qalasynda bokstan ótip jatqan Azııa chempıonatynda Nazym Qyzaıbaı alǵashqy jeńisine qol jetkizdi, dep habarlaıdy QazAqparat tilshisi.

Eki dúrkin álem chempıony N.Qyzaıbaı 50 kelige deıingi salmaqta taılandtyq Raksat Chýthamatpen judyryqtasty.

Jekpe-jek óte tartysty ótip, tóreshiler jeńisti 3:2 esebimen qazaqstandyq boksshyǵa berdi.

Osylaısha, Nazym shırek fınalǵa joldama aldy.

Azııa birinshiliginde áıelder arasynda, sondaı-aq Alýa Balqybekova (48 kg), Jazıra Oraqbaeva (52 kg), Jaına Shekerbekova (54 kg), Karına Ibragımova (57 kg), Rımma Volosenko (60 kg), Aıda Ábikeeva (63 kg), Mádına Nurshaeva (66 kg), Darıǵa Shákimova (70 kg), Valentına Halzova (75 kg), Gúlsaıa Erjan (81 kg) jáne Lázzat Kúngeıbaeva (+81 kg) el namysyn qorǵaıdy.

Eske sala keteıik, budan buryn bokstan Azııa chempıonatyn Serik Temirjanovtyń jeńispen bastaǵanyn, Sáken Bıbosynovtyń bastapqy kezdesýin sátti ótkizgenin jazǵan bolatynbyz.

Sondaı-aq Nazym Qyzaıbaıdyń rıngke shyǵatyny habarlandy.