Boks: Qytaılyq qandasymyz lıtsenzııalyq týrnırdiń shırek fınalynda súrindi

<p>ASTANA. KAZINFORM - Italııanyń Býsto-Arsıtsıo qalasynda ótip jatqan lıtsenzııalyq týrnırde búgin Qytaı quramasynyń sapynda synǵa túsken qandasymyz Danabek Baıǵazy shırek fınalda qarsylasyna jol berip, Olımpıada joldamasynan qaǵyldy.</p>

Asa aýyr salmaqta óner kórsetetin qytaılyq etnıkalyq qazaq boksshy lıtsenzııalyq týrnırdiń shırek fınalynda Norvegııa boksshysy Omar Mohamed Shınamen judyryqtasty. Ókinishke qaraı, jekpe-jek barysynda qazaq boksshysynyń qabaǵy jyrtylyp, nátıjesinde sharshy alańdaǵy referı jekpe-jekti toqtatyp, jeńisti norveg boksshysyna berdi.

Esterińizge sala keteıik, osyǵan deıin Danabek Baıǵazynyń Qytaı ulttyq quramasynyń kapıtany retinde tańdalyp, joldamaǵa basty úmitker boksshylarynyń biri retinde attanǵanyn jazǵan bolatynbyz.

Aıta ketsek, ótken jyly Danabek Baıǵazy Tashkentte ótken álem chempıonatyna qatysyp, shırek fınalǵa deıin jetse, Hanchjoýda (Qytaı) ótken Jazǵy Azııa oıyndarynda joldamaǵa synyq súıem jetpeı súringen bolatyn.

Naqtyraq aıtsaq, shırek fınalda ol Mońǵolııa atynan synǵa túsken Beknur Halımen judyryqtasyp, ony ekinshi raýndta úsh ret nokdaýnǵa túsirip, merziminen buryn jeńiske jetti.

Solaı joldama ala almaı qalǵan edi. Hanchjoýda fınalǵa shyqqan boksshylarǵa ǵana Parıj olımpıadasynyń joldamasy buıyrǵan bolatyn.