Boks: Qazaqstan fınalǵa shyǵar aldynda úshinshi ret Ózbekstannan jeńildi

DÝBAI. QazAqparat – Qazaqstandyq boksshy Dáýlet Tólemisov Dýbaıda (BAÁ) ótip jatqan bokstan jastar men jasóspirimder arasyndaǵy Azııa chempıonatynda jartylaı fınalda aıqasty. Bul týraly QazAqparat Sports.kz-ke silteme jasap habarlaıdy.

Tólemisov 75 kelige deıingi salmaq dárejesinde jasóspirimder týrnırinde (2005-2006 jj.) ózbekstandyq Mızrob Nekboevpen jekpe-jekke shyqty. Ókinishke oraı, tóreshilerdiń sheshimimen ózbekstandyq boksshy jeńimpaz atandy. Osylaısha, Dáýlet Tólemisov týrnırdi qola medalmen aıaqtady.

Aıta keteıik, búgin Qazaqstan jasóspirimderdiń jartylaı fınalynda Ózbekstannan qatarynan úsh aıqasta jeńilis tapty. Buǵan deıin qazaqstandyq boksshylar eki retsúringen bolatyn: Ilıa Kalının (50 kg) Hodjıakbar Mahmýdovke, al Madııar Taıpaqov (60 kg) Djavohır Ýmmatalıevke ese jiberdi.