Boks federatsııasy jańadan jasaqtalǵan bapkerler quramyn jarııalady

<p>ASTANA. KAZINFORM - Qazaqstan boks federatsııasynyń baspasóz qyzmeti ulttyq quramanyń jańarǵan bapkerler quramyn tanystyrdy.</p>

Birneshe kún buryn Olımpıadadan keıingi alǵashqy oqý-jattyǵý jıynyna kirisken ulttyq quramamen qazirgi ýaqytta Qaırat Sátjan bastaǵan jańa bapkerlik quram jumys júrgizip jatyr.

Bapkerlik keńestiń sheshimimen jańa tizimge birqatar boks mamandary qosyldy.

Komandanyń bapkerler quramy:

1. Qaırat Sátjan - bas jattyqtyrýshy

2. ⁠Asqar Erkebaev - aǵa jattyqtyrýshy

Jattyqtyrýshylar:

3. ⁠Іlııas Oralbekov

4. ⁠Nurken Andasov

5. ⁠Azamat Maqajanov

6. ⁠Talǵatbek Jakpekov

7. ⁠Nurjan Nasanov

Sonymen qatar, qazirgi ýaqytta Azııa chempıonatyna daıyndyq barysynda komandaǵa bilikti maman, dıetolog-nýtrıtsıolog, Aleksandr Ýsık, Vasılıı Lomachenko, Teofım Lopez, Terens Kroýford jáne taǵy basqa júzden asa kásipqoı boksshymen jumys istegen Aleksandr Foka kómektesýde.

Aıta ketelik, joǵaryda kórsetilgen bapkerler tizimi áli de tolyqtyrylady. Jańa mamandar boıynsha sheshim jeltoqsan aıynda ótetin Qazaqstan chempıonatynan keıin qabyldanbaq.

Esterińizge sala keteıik, Qazaqstan boks federatsııasy Parıj Olımpıadasynan keıin qorytyndy keńes ótkizip, nátıjesinde uıym bokstan erler komandasynyń bapkerlik quramy tolyǵymen jumystan shettetilgenin atap ótken bolatyn.

Olardyń qatarynda bas jattyqtyrýshy Myrzaǵalı Aıtjanov jáne bapkerlik quramdaǵy 10 maman, QBF vıtse-prezıdenti Azız Qojambetov qyzmetten bosatylǵan edi.