Boks: Álemniń burynǵy chempıony qarsylasynyń qabyrǵasyn syndyrdy

NUR-SULTAN. QazAqparat – Brıtandyq boksshy kishi Krıs ıÝbenk (30-2, 22 KO) týǵan jeri Nıýskalda Armenııadan shyqqan nemis boksshysy Vanık Avdııanǵa (28-1, 11 KO) qarsy jekpe-jek ótkizdi, dep habarlaıdy QazAqparat Sports.kz saıtyna silteme jasap.

Orta salmaqtaǵy boksshylar jekpe-jegi on raýndtan turýy tıis bolǵan, biraq ıÝbenk jekpe-jekti buryn aıaqtady. Judyryqtasý kezinde qabyrǵasy synǵan Avdııan besinshi raýndqa shyǵýdan bas tartty.

Osylaısha, Krıs ıÝbenk kásibı mansabynda 31-shi jeńisine (sonyń 23-i nokaýtpen aıaqtalǵan) qol jetkizse, Avdııan ekinshi ret jeńilis tapty.
Eske sala ketsek, buǵan deıin ıÝbenk qazaqstandyq chempıon Gennadıı Golovkındi (41-1-1, 36 KO) talaı ret jekpe-jekke shaqyrp keledi. Brıtandyq sportshy WBA nusqasy boıynsha álemniń «ýaqytsha» chempıony bolǵan.