Bógde kelýshilerdi perronǵa ótkizbeý jobasy 2 qalada bastalady

NUR-SULTAN. QazAqparat – QR Indýstrııa jáne ınfraqurylymdyq damý mınıstrligi bógde adamdardy perronǵa kirgizbeý jospary týraly túsindirdi, dep habarlaıdy QazAqparat tilshisi.

«Bógde kelýshilerge perronǵa ótkizbeýdi bizdiń mınıstrlik usyndy. Ázirge «Nurly jol» men Qaraǵandy vokzalyna osy júıeni engizip, týrnıketter qoıyp, perronǵa tek jolaýshylar jiberiledi. Bul tájirıbe kóptegen elderde bar. Shyǵaryp salatyn adamdar vokzalda qoshtasýy tıis», - dedi QR IIDM Kólik komıteti tóraǵasynyń orynbasary Jánibek Taıjanov mınıstrlikte ótken baspasóz máslıhatynda.

Onyń aıtýynsha, bul shara alypsatarlar men bıletsiz jolaýshylardyń perronǵa ótýine jol bermeıdi.

«Pılottyq joba retinde «Qazaqstan temir joly» kompanııasymen talqylap jatyrmyz. Bul jobanyń qarjylyq shyǵyndary da bar», - dedi spıker.

Eske sala ketsek, J. Taıjanov vagon men bılet tapshylyǵyn joıý sharalary jóninde de áńgimelegen edi.