Boeing kompanııasynyń 2,5 myń jumysshysy ereýilge shyǵatynyn málimdedi

VAShINGTON. QazAqparat – Boeing kompanııasynyń 2,5 myń jumysshysy 1 tamyzda ereýilge shyǵýdy josparlap otyr. Olar kompanııamen jasalǵan kelisimniń sharttaryna qarsylyq bildirýde, dep habarlaıdy QazAqparat ABC News-ke silteme jasap.

Illınoıs shtatyndaǵy Maskaýta qalasynda, Mıssýrı shtatyndaǵy Sent-Charlz jáne Sent-Lýıs okrýgterindegi Boeing-tiń úsh zaýytynda jumys toqtaıdy. Óıtkeni, jeksenbide Aeroǵarysh mashınısteri men jumysshylarynyń halyqaralyq qaýymdastyǵy kásipodaǵy seriktestikti jalǵastyrýǵa qarsy 837 daýys jınady.

Kásipodaq mynadaı málimdeme jasady: «Biz ádil jáne quqyǵy teń emes kelisimshartty qabyldaı almaımyz, óıtkeni kompanııa jyl saıyn bizdiń eńbekqor múshelerimizdiń esebinen mıllıardtaǵan dollar taýyp jatyr».

Boing kompanııasy daýys berý nátıjesine kóńili tolmaıtynyn jáne «ereýil bolǵan jaǵdaıda óndiristiń irkilissiz bolýyn qamtamasyz etý úshin tótenshe jaǵdaı josparyn» qoldanatynyn aıtty.

Boeing bir toqsandaǵy kiris esebi aıasynda osy aptada óziniń qarjysy týraly jańartylǵan aqparatty usynbaq. Boeing buǵan deıin birinshi toqsanda 1,2 mıllıard dollar shyǵynǵa batqanyn habarlady, biraq ótken aptada kompanııa Delta Air Lines-tyń Boeing 737 markaly 100 ushaqqa tapsyrys bergenin málim etti.

Foto: abcnews.go.com