Boeing kompanııasyna mehanıkterdiń ereýilinen 1 mlrd dollar shyǵyn keldi
15:37, 24 Qazan 2024
<p>ASTANA. KAZINFORM – Boeing zaýyty mehanıkterdiń ereýilinen kompanııa aıyna shamamen 1 mlrd dollar shyǵynǵa ushyrady. Bul týraly <a href="https://www.reuters.com/business/aerospace-defense/boeing-braces-union-vote-wage-deal-that-could-end-costly-strike-2024-10-23/#:~:text=SEATTLE%2C%20Oct%2023%20(Reuters),finances%20of%20the%20struggling%20planemaker" target="_blank" rel="noopener">Reuters</a> agenttigine silteme jasap <a href="https://www.inform.kz/ru/rabotniki-boeing-otklonili-soglashenie-kompanii-s-liderami-profsoyuza-zabastovka-prodolzhitsya-3409d9" target="_blank" rel="noopener">Kazinform tilshisi</a> habarlaıdy.</p>
Boeing Co. qyzmetkerleri kompanııa basshylyǵynyń halyqaralyq mashınıster jáne aeroǵarysh salasy jumysshylary qaýymdastyǵy kóshbasshylarymen qol jetkizgen kelisimine qarsy daýys berdi. Endi ushaq jasaý kontsern kásiporyndarynda 13 qyrkúıekte bastalǵan ereýil qaıta jalǵasady. Jalpy 737, 767 jáne 777 ushaqtaryn shyǵarylatyn Boeing zaýytynda mehanıkterdiń ereýilinen kompanııa aıyna shamamen 1 mlrd dollar shyǵynǵa ushyrady.
Eske sala ketsek, shilde-qyrkúıek aılarynda kompanııanyń taza shyǵyny 6,174 mlrd dollardy, nemese bir aktsııaǵa 9,97 dollardy qurady (bir jyl burynǵy kórsetkish – 1,638 mlrd dollar, nemese bir aktsııaǵa 2,7 dollar).
Boeing aktsııalary bıylǵy jyldyń basynan beri 40% derlik arzandaǵan.