Boeing apatynda BDSU baspasóz hatshysy Glenn Tomas kóz jumdy

ASTANA. QazAqparat - SPID-ke qarsy kúres máselelerimen aınalysqan 100-ge jýyq ǵalym men medıtsına qyzmetkeri malaızııalyq ushaqtyń bortynda bolǵan, dep habarlady RIA «Novostı» avstralııalyq BAQ-qa silteme jasap.

Apatqa ushyraǵan ushaq bortynda bolǵan mamandar toby Melbýrndaǵy SPID-ke (IAS) qarsy kúres qoǵamdastyǵynyń halyqaralyq konferentsııasyna bara jatqan. Konferentsııanyń bastalýy 20 shildege josparlanǵan. Onyń qonaqtarynyń qatarynda AQSh-tyń eks-prezıdenti Bıll Klınton bolǵan.

IAS habarlaǵandaı, qaza tapqan ǵalymdardyń ishinde uıymnyń burynǵy tóraǵasy gollandııalyq Iýp Lange (Joep Lange) bolǵan. «Vzglıad» BUU shtab-páterindegi aqparat kózine silteme jasap habarlaǵandaı, Boeing apatynda Búkilálemdik densaýlyq saqtaý uıymynyń (BDSU) resmı ókili Glenn Tomas kóz jumdy. Ol da IAS konferentsııasyna bet alǵan. Aqparat kózi qaza tapqandardyń ishinde BDSU-nyń ózge ókilderi bolýy múmkin ekenin aıtýda.

Aıta keteıik, beısenbi kúni Ýkraınanyń shyǵysynda malaızııalyq Boeing 777 ushaǵynyń apatqa ushyraǵany belgili boldy. Ol Amsterdamnan Kýala-Lýmpýrǵa ushqan. Ushaq bortynda 298 adam boldy.