«Bóbek» saýyqtyrý ortalyǵy ınklıýzıvti bilim berý ortalyǵyna aınalady

<p>ASTANA. KAZINFORM &ndash; Oqý aǵartý mınıstrligi &laquo;Bóbek&raquo; ulttyq ǵylymı-praktıkalyq, bilim berý jáne saýyqtyrý ortalyǵy&raquo; respýblıkalyq memlekettik qazynalyq kásipornyn sharýashylyq júrgizý quqyǵyndaǵy úzdiksiz ınklıýzıvti bilim berýdiń ulttyq ǵylymı-praktıkalyq ortalyǵy etip qaıta uıymdastyrmaqshy. Úkimet vedomstvonyń bul usynysyn qoldaǵan.</p>

Kópshilik talqylaýyna shyǵarylǵan buıryq jobasynda mekemeniń keleshektegi resmı ataýy «Úzdiksiz ınklıýzıvti bilim berýdiń ulttyq ǵylymı-praktıkalyq ortalyǵy» sharýashylyq júrgizý quqyǵyndaǵy respýblıkalyq memlekettik kásiporny» bolatyny aıtylǵan. 

«Oqý-aǵartý mınıstrliginiń bul bastamasyn Qazaqstan Respýblıkasynyń Úkimeti qoldady. Budan basqa, sharýashylyq júrgizý quqyǵyndaǵy memlekettik kásiporyn bolyp qaıta uıymdastyrý usynylady. Ol ortalyqqa ǵylymı jáne (nemese) ǵylymı-tehnıkalyq jobalar boıynsha granttyq qarjylandyrý konkýrstaryna qatysýǵa, ınklıýzıvti bilim berýdi damytýdyń ózekti máseleleri boıynsha zertteýler júrgizýge jáne ortalyqta jumys isteý úshin ǵylymı kadrlardy tartýǵa múmkindik beredi», - dep jazylǵan qujattyń negizdemesinde.