«Bóbek» ortalyǵynda myńnan astam bala tegin saýyqtyrýdan ótti - Oqý-aǵartý mınıstrligi
Dostar, ózderińiz biletindeı, bizde biregeı «Bóbek» ulttyq bilim berý jáne densaýlyq saqtaý ortalyǵy bar.
Almatydaǵy «Bóbek» ortalyǵy jyl boıy jumys isteıdi. Medıtsınalyq protsedýralar mektep baǵdarlamasyna sáıkes oqýmen biriktirilgen. Sonymen qatar balalardyń oı-órisin keńeıtý úshin ekskýrsııalar, qyzyǵýshylyqtary boıynsha úıirmeler men shyǵarmashylyq sheberhanalar uıymdastyrylǵan.
Memleket kóp balaly, az qamtylǵan otbasylardan shyqqan jáne jetim balalardy qoldaý úshin barynsha jaǵdaı jasaýda, sondyqtan 2022 jyldyń basynan bastap osy sanattardaǵy 1 myńnan astam bala «Bóbek» ortalyǵyna tegin saýyqtyrý protsedýralarynan ótti.
Baǵdarlamaǵa ne kiredi?
- 22 kúndik saýyqtyrý kýrsy;
- 6 mezgildik teńdestirilgen dárýmenderi bar tamaqtaný;
- dene shynyqtyrý;
- fızıoterapııalyq protsedýralar.
Pedıatrlar balalarmen jas, fızıkalyq jáne psıhoemotsıonaldyq jaǵdaıdy eskere otyryp, jeke densaýlyq baǵdarlamalary boıynsha jumys isteıdi jáne jeke protsedýralardy tańdaıdy.
Qyrkúıek aıynyń basynan beri «Bóbek» ortalyǵy Pavlodar, Atyraý, Mańǵystaý, Batys Qazaqstan, Aqtóbe, Soltústik Qazaqstan, Qaraǵandy, Shyǵys Qazaqstan, Túrkistan oblystarynan 140 balany, sonyń ishinde Qostanaı oblysyndaǵy órt kezinde evakýatsııalanǵan balalardy (31 adam) qabyldady.