Bloomberg álemdegi eń baı adamdar reıtıngisin jarııalady

<p>ASTANA. KAZINFORM &mdash; Álemdegi eń baı adamdardyń úshtigin qazir tek amerıkalyqtar basqarady. LVMH qojaıyny Bernar Arno Bloomberg Billionaires Index jarııalaǵan reıtıngte tómen túsip qaldy.Indeks atap aıtqanda kompanııa aktsııalarynyń qunyna qaraı esepteledi, dep jazady <a href="https://tass.ru/" target="_blank" rel="noopener">TASS</a>.</p>

Onyń málimeti boıynsha, X jáne Tesla ıesi Ilon Mask 235 mıllıard dollar baılyǵymen reıtıngtiń kóshbasshysy bolyp qala beredi. Amerıkalyq Amazon onlaın-reteıleriniń negizin qalaýshy Djeff Bezos burynǵysha ekinshi orynda, onyń baılyǵy 193 mıllıard dollarǵa baǵalandy. Úshinshi orynǵa Meta korporatsııasynyń basshysy Mark Tsýkerberg kóterildi, onyń baılyǵy 188 mıllıard dollardy qurady.

Frantsýz Arno 184 mıllıard dollar aktıvterimen reıtıngte tórtinshi orynǵa tómendedi. Osylaısha, álemdegi eń baı úsh adam AQSh azamattary atandy.

Bloomberg 2012 jyldyń naýryz aıynan bastap planetadaǵy eń baı 500 adamnyń baılyǵy týraly aqparatty qamtıtyn Bloomberg Billionaires Index-ti jarııalap keledi.