Blogerler tólegen salyq qalaı baqylanady

<p>ASTANA. KAZINFORM &ndash; Memlekettik kirister komıteti blogerlerdiń salyq tólegeni ne tólemeni qalaı baqylanatyndyǵyn atady.</p>

Vedomstvo málimetinshe, blogerlerge salyqtyq baqylaý ornatylǵan. Onyń aıasynda monıtorıng turaqty negizde mynadaı baǵyttar boıynsha júrgiziledi:

- salyq organdarynda tirkeý máseleleri boıynsha;

- kásipkerlik qyzmetten túsetin kiristi tómendetý máseleleri boıynsha is júrgizý.

Baqylaý sharalary barysynda ár túrli aqparat kózderi, onyń ishinde memlekettik jáne ózge de organdardyń, halyqaralyq kelisimder aıasynda shet memleketterdiń salyq qyzmetteriniń málimetteri paıdalanylady. Budan basqa, memleket ýákiletti jáne ózge de organdarǵa salyqtyq ákimshilendirý aýqymynda salyq organdary úshin qajetti málimetterdi alýǵa járdemdesý bóliginde mindet júkteldi. Buzýshylyq anyqtalǵan jaǵdaıda kameraldyq baqylaý júrgiziledi, onyń qorytyndysy boıynsha habarlamalar jiberiledi, - dep naqtylaıdy komıtetten.

Habarlamalar oryndalmaǵan kezde salyq organdary salyqtyq tekserýlerdi taǵaıyndaýǵa quqyly.

«Jalpy, biz barlyq blogerdi salyq mindettemelerin ýaqtyly oryndaýǵa shaqyramyz. Búgingi tańda kásipkerlikti damytý úshin qolaıly jaǵdaı jasalýda jáne salyq tóleýshilerge salyq mindettemelerin oryndaýdyń ártúrli yńǵaıly tásilderi bar», - dedi vedomstvodan.

Buǵan deıin blogerler 9 aıda 1,2 mlrd teńge salyq tólegenin jazǵan edik.