Blogerler BAQ ókili retinde tirkelip, jumys isteı ala ma

<p>ASTANA. KAZINFORM — Kásibı jýrnalıster men blogerlerdiń mártebesi teń be? Blogerler BAQ ókili retinde resmı tirkele ala ma? Bul saýaldy Mádenıet jáne aqparat vıtse-mınıstri Qanat Ysqaqovtan suraǵan edik.</p>

«Mass-medıa týraly zań jobasyn ázirlegende bizden kásibı jýrnalıster men blogerlerdiń irijigin ajyratý kerektigi talap etildi. Biz bul máseleni saralaı kele kásibı jýrnalısterdiń mártebesin keńeıtip, ókilettik berip otyrmyz. Aldymen jýrnalısterdiń saýalyna jaýap berý merzimi 7 kúnnen 5 kúnge qysqartyldy. Al blogerler men jeli qoldanýshylardyń saýalyna jaýap 15 pen 30 kún aralyǵynda beriledi» — dedi Qanat Ysqaqov Astana Media Week is-sharasy barysynda BAQ ókilderiniń saýalyna jaýap bere turyp. 

Sondaı-aq, vıtse-mınıstr blogerlerdiń resmı tirkele alatynyn aıtyp otyr. 

«Blogerler BAQ retinde tirkele alady, biraq olar resmı tirkelgen jaǵdaıda Mass-medıa týraly zań talaptaryn oryndaýy kerek. Tirkelý protsesi ońtaılandyrylǵan, biraq belgili bir talaptar qoıylady», — deıdi ol. 

Buǵan deıin vıtse-mınıstr jyl basynan beri sýıtsıdti nasıhattaǵan 150-den astam fakti anyqtalyp, jarııalanǵan áleýmettik paraqshalar men ınternet resýrstardyń buǵattalǵanyn aıtqan edi. 

Sondaı-aq, Qanat Ysqaqov Mádenıet jáne aqparat mınıstrliginiń Telegram paıdalanýshylarynyń telefondary men IP mekenjaılary quqyq qorǵaý organdarynyń resmı ótinishi boıynsha qaýipsizdik qyzmetkerlerine qoljetimdi bolýy múmkin bastamasyn qoldaıtynyn jetkizdi. 

Aıta keteıik, elordada Astana Media Week aptalyǵy ótip jatyr.

Dástúrli sharanyń bıylǵy taqyryby — «Medıanyń áseri jáne tsıfrlyq úndestik».