Blogerler toǵyz aıda 1,2 mlrd teńge salyq tóledi

<p>ASTANA. KAZINFORM &ndash; Elimizde resmı túrde 745 bloger tirkelgen. Olar osy jylydń 9 aıynda memleketke 1,2 mlrd teńgeden astam salyq tóledi. Bul týraly Memlekettik kirister komıtetinen málim etti.</p>

«Qazaqstan Respýblıkasynyń «Onlaın-platformalar jáne onlaın-jarnama týraly» Zańynyń erejelerine sáıkes ınflıýenser (bloger) – onlaın-platformada basqa da tulǵalarǵa aqparatty kásipkerlik qyzmet maqsatynda jarııalaıtyn onlaın-platformany paıdalanýshy. Búgingi tańda Respýblıka boıynsha 745 bloger (tizim áleýmettik jelilerde – Instagram, Youtube, TikTok-ta 20 myńnan astam jazylýshysy bar jeke tulǵalardan qurylǵan) bar. Salyq kodeksine sáıkes, blogerlerdiń, onyń ishinde jarnama berýden nemese aqparattyq ónimderdi jyljytýdan túsetin tabystarǵa salyq salynady», - dep atap ótedi komıtetten agenttiktiń resmı saýalyna oraı.

Vedomstvo málimetinshe, eger bloger jaldamaly jumyskerlerdiń eńbegin paıdalansa nemese onyń jyldyq tabysynyń mólsheri 12 eń tómengi jalaqydan assa (2024 jylǵy 1 qańtardan bastap eń tómengi jalaqy - 85 000 teńge, bul 1 020 000 teńgeni quraıdy) jeke kásipker retinde tirkelýge mindetti.

«Jalpy, otandyq blogerlerdiń kópshiligi qazirdiń ózinde kásipker sanalady jáne qoldanylatyn salyq rejımine baılanysty tıisti salyqtardy tóleıdi. Máselen, sońǵy 9 aıda olar 1 mlrd 226 mln teńgeden astam somaǵa salyq tóledi», - dedi komıtetten.

Aıta keteıik, blogerler BAQ retinde tirkele alady. Biraq olar resmı tirkelgen jaǵdaıda Mass-medıa týraly zań talaptaryn oryndaýy kerek.