Bilim salasyndaǵy jemqorlyq: 302 qylmystyq is tirkeldi
Keńeske beınekonferentsııa baılanysy arqyly Sybaılas jemqorlyqqa qarsy qyzmettiń aýmaqtyq bólimsheleri, oblystar ákimderiniń orynbasarlary, JOO rektorlary, ákimdikter bólimsheleriniń 10 myńnan astam laýazymdy tulǵalary, mektep dırektorlary, býhgalterler jáne búkil el boıynsha bilim berý salasynyń basqa da qyzmetkerleri qosyldy.
Tek sońǵy úsh jylda bul salalarǵa 12,3 trln teńgeden astam qarajat bólindi. Alaıda, Sybaılas jemqorlyqqa qarsy qyzmet júrgizgen syrtqy taldaý kórsetkendeı, bólingen qarajat árqashan maqsatyna saı paıdalanylmaı kelgen. 2023 jyldan bastap 302 qylmystyq is tirkeldi, olar boıynsha zalal 17 mlrd teńgeden asty. Qazirdiń ózinde 230 adam sottaldy, 100-den astam is sotta qaralýda.
2 uıymdasqan qylmystyq toptyń qyzmeti toqtatyldy.
Antıkordyń habarlaýynsha, bıýdjettik ótinimderdi qalyptastyrý protsesterin avtomattandyrýdyń, buzýshylyqtardy baqylaý jáne aldyn alý tetikteriniń, sondaı-aq aqparattyq júıelerdiń bytyrańqylyǵynyń bolmaýyna baılanysty kóptegen faktiler múmkin boldy.Bul tólem qujattaryn burmalaýǵa, «óli jandarǵa» tólem jasaýǵa, jalaqy men ústemeaqylardy kóterýge múmkindik berdi.Agenttik engizgen usynymdar boıynsha búginde osyndaı faktilerdi boldyrmaýǵa baǵyttalǵan sharalar qabyldanýda.
Sonymen qatar Antıkordyń bastamasy boıynsha býhgalterlik júıeler, táýekelderdi basqarý júıeleri, býhgalterlik esepti júrgizý, bıýdjet qarajatyn josparlaý jáne ótinimderdi qalyptastyrý boıynsha bultty tsıfrlyq sheshimder, qazynashylyq organdarynda salystyrý jáne negizsiz tólemderdi buǵattaý úshin biryńǵaı tehnıkalyq talaptar engiziledi.
Eske salsaq, búgin Memlekettik keńesshi Erlan Qarınniń tóraǵalyǵymen Sybaılas jemqorlyqqa qarsy is-qımyl máseleleri jónindegi komıssııanyń otyrysyn ótkizip, birqatar tapsyrma berdi.