Bilim ekonomıkasyn damytý arqyly JІÓ eki ese arttyrýǵa bolady – QSZI dırektory

<p>QR Prezıdenti janyndaǵy Qazaqstan strategııalyq zertteýler ınstıtýtynyń dırektory Erkin Tuqymov Prezıdenttiń búgingi <a href="https://kaz.inform.kz/news/bz-ozik-oyli-ult-retnde-tek-kana-alga-karauimiz-kerek-kasim-zhomart-tokaev-1e1b19/" target="_blank" rel="noopener">suhbaty</a> týraly pikir bildirip, adamı kapıtaldy damytýda jańa saıasat qajettigin aıtty, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Prezıdenttiń 2029 jylǵa qaraı ulttyq ekonomıkany 450 mıllıard dollarǵa deıin jetkizip, eki ese arttyrý maqsaty óte shynaıy. Sonymen qatar ekonomıkany monopolııasyzdandyrý, energetıkany, aýyl sharýashylyǵyn damytý, jahandyq ekonomıkanyń basty trendi retinde bilim ekonomıkasyna kóshý arqyly josparlanǵannyń bárin dáıekti túrde iske asyrsaq, bul kórsetkishten de asyp túse alamyz dep sanaımyn. Goldman Saks 2050 jyly Qazaqstannyń trıllıondyq ekonomıkasyna qol jetkizýi týraly aıtýda», - deıdi E.Tuqymov.

Biraq Prezıdent aıtqandaı, makroekonomıkalyq kórsetkishterdiń ózderi de, olardyń sapasy da mańyzdy. Olar Qazaqstan azamattarynyń ál-aýqatynda tikeleı kórinis tabýy kerek. Áıtpese bul aldyńǵy onjyldyqtardaǵydaı bolady – ekonomıka qarqyndy ósse de, ósý damýǵa kóshken joq, ortasha azamat JІÓ-niń artýyn onsha sezinbedi.

«Sondyqtan jańa ınvestıtsııalyq, salyqtyq, bıýdjettik saıasat túrindegi óte mańyzdy bastamalardan bólek, bizge adamı kapıtaldy damytýda jańa saıasat qajet. Joǵary bilikti «aq jáne kók jaǵalylar» bolmasa, bilim ekonomıkasyna ótý qıyn, tipti múmkin emes. Bizge avtonomdy jáne bedeldi zertteý ýnıversıtetteri, sapaly jáne teń orta bilim, JІÓ-niń bir paıyzynan asatyn ǵylymǵa arnalǵan ınvestıtsııalar, Astana men Almatyny qosa árbir eldi mekende damyǵan medıtsına, salaýatty ekologııalyq orta, shetelde kadrlar daıarlaý qajet. Eger basymdyqtar men resýrstardy durys belgilep, jergilikti jerlerde ókilettik bersek, munyń bári iske asady», - dedi sarapshy.