Bilim berý uıymdaryndaǵy býhgalterlik esep júıesin qaıta qarastyrý kerek – depýtat

<p>ASTANA. KAZINFORM &ndash; Keıingi&nbsp; kezderi bilim salasynda mıllıardtaǵan teńgeni jymqyrý týraly kóptegen fakti tirkelip jatyr. Eń aýyry, bul qarajatty jymqyrǵan &ndash; qatardaǵy býhgalter-esepshiler. Májilis depýtaty&nbsp; Bolatbek Najmetdınuly Premer-Mınıstr orynbasaryna joldaǵan depýtattyq saýalynda salada júıeli baqylaý jasalmaǵandyqtan osyndaı qylmys kóbeıip jatqanyn aıtty.</p>

QR Sybaılas jemqorlyqqa qarsy is-qımyl agentiginiń málimeti boıynsha, osy saladaǵy esepshiler qoldanatyn zańsyz shema – jalaqy qorynan aqsha jymqyrý faktileri. Onyń ishinde, zańsyzdyqqa jol berip, óz jalaqysynan áldeqaıda joǵary jalaqy taǵaıyndalady, resmı tirkelmegen adamdarǵa jalaqy aýdarylady. Sonymen qatar qyzmetker pen onyń kartochkasy birizdendirilmegen. Bir qyzmetkerge zańsyz ári birneshe qarjy aýdarylady. Sondaı-aq, týystary men dostaryna aqsha aýdarǵan.

Depýtat júıeli baqylaý, áli de ortalyqtan, aýdanǵa, aýdannan aýylǵa deıingi júıeli baılanys bolmaǵannan osyndaı jaǵdaı bolyp jatqanyn aıtty.

«Kedergisiz urlyqtardyń bolýyna qazirgi eńbekaqyny esepteý jáne tóleý júıesi de yqpal etti. Jergilikti qarjylyq esepte ashyqtyq joq. Bul «óli jandardy» jumysta ustaýǵa ǵana emes, sonymen qatar «vırtýaldy» jumysshylardy jumysqa alýǵa múmkindik berdi. Nátıjesinde, Almaty, Túrkistan oblystary, Taldyqorǵan jáne Qyzylorda qalalarynyń esepshileri sottaldy. Keıbir azamattar qylmystarynyń áshkerelenýine baılanysty ózderine qol jumsaý, sýıtsıd faktileri kóbeıip jatqan jaǵdaılar bar. Bul ókinishke qaraı, «qylmystyq marafondy» áshkereleýdiń bastamasy ǵana», - deıdi Májilis depýtaty.

Qazaqstan Sybaılas jemqorlyqqa qarsy is-qımyl agenttiginiń málimeti boıynsha bilim berý salasy kóp jyldar boıy naǵyz sybaılas jemqorlyqtyń ordasyna aınaldy. Tipti, júıede jumys isteıtinder de, ony tekseretinder de para aldy. Jaqynda ǵana Túrkistan oblysy boıynsha tekserý komıssııasynyń bas ınspektorynyń 26 mıllıon teńgeni zańsyz alǵany da anyqtaldy.Bilim salasyndaǵy baqylaý komıtetiniń Oqý-aǵartý mınıstrligi qurylymynda ornalasýyna baılanysty salalyq baqylaýdyń sapasy tómendep otyr.

«Bul jaǵdaı tek «aqshaǵa» qatysty emes ekenin atap ótkim keledi. Qazaqstannyń bolashaǵy úshin bilim berý salasy – áleýmettik-ekonomıkalyq damýdyń strategııalyq salasy. Bizdiń balalarymyzdyń bilim sapasy saladaǵy jaǵdaıdan zardap shegip jatyr jáne bul shyǵyndy monetızatsııalaý múmkin emes. Bilim berý uıymdaryndaǵy býhgalterlik eseptiń bıznes-protsesterin, ıaǵnı júıesin qaıta qarastyrý qajet», - dep túıindedi Bolatbek Najmetdınuly.