Bilim berý salasynda qarjy jymqyrý qalaı júzege asqany anyqtaldy

<p>ASTANA. KAZINFORM - Qazaqstan Respýblıkasy&nbsp;Sybaılas jemqorlyqqa qarsy is-qımyl agenttigi bilim berý júıesinde aqsha jymqyrýdyń aldyn alý úshin qandaı jumystar atqarylyp jatqanyn málimdedi.&nbsp;</p>

2023 jyly bilim berý júıesinde sybaılas jemqorlyq táýekelderine syrtqy taldaý júrgizilgen.

Taldaý kórsetkendeı, bıýdjet qarajatyn jymqyrýdyń kóptegen faktileri bıýdjettik ótinimderdi qalyptastyrý protsesterin avtomattandyrýdyń, buzýshylyqtardyń aldyn alý tetikteriniń jáne býhgalterlik eseptiń aqparattyq júıeleri men memlekettik derekqorlardyń ıntegratsııalyq baılanystarynyń bolmaýyna baılanysty júzege asqan («Ulttyq bilim berý derekqory», «Qazynashylyq-klıent», «Jeke tulǵalar», «Enbek.kz» jáne t. b.). 

Qazirgi ýaqytta memlekettik organdar bekitilgen Jol kartasy sheńberinde joǵaryda kórsetilgen jemqorlyq táýekelderin joıý boıynsha jumys júrgizýde.

Agenttiktiń bastamasymen 2023 jyldyń 4-toqsanynda Pavlodar, Aqmola jáne Túrkistan oblystarynda qoldanystaǵy býhgalterlik júıeler bazasynda tsıfrlyq sheshimderdi engizý boıynsha pılottyq joba iske asyryldy.

Bıýdjettik ótinimderdi qalyptastyrý protsesin tolyq avtomattandyrý, kontıngentti esepke alý jáne qyzmetkerlerdiń kelýin baqylaý, avanstardy negizsiz tóleýdi buǵattaý tetikteri (eńbek zańnamasyna sáıkes) jáne qazynashylyq derekterin býhgalterlik júıelermen salystyrý múmkindigi sátti ótti.

Sondaı-aq, uıym basshysynyń bet bıometrııasy boıynsha tólem qujattaryna qol qoıý, sondaı-aq olardy shıfrlaý máselesi pysyqtaldy.

Qazirgi ýaqytta osy tsıfrlyq sheshimderdi masshtabtaý boıynsha jumystar júrgizilýde.