Biliktilik sertıfıkatyn satyp alǵan aqtóbelik 110 pedagog ústemeaqyny qaıtarady

<p>Aqtóbede 110 pedagog biliktilikti arttyrý sertıfıkatyn satyp alǵan. Olar kúni búginge deıin 97 mln teńge ústemeaqy alyp, memleketke shyǵyn keltirdi. Qazir óz erkimen qaıtaryp jatyr, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.</p>

 

Aqtóbe oblysy boıynsha biliktilikti arttyrý testiniń jaýaptaryn berip, sertıfıkat alýǵa kómektesken tórt uıymdastyrýshy sottalyp, úkim shyqqan soń pedagogter tekserildi.

Alǵashqy kezde tizimde 800-den astam adam bolǵanymen, naqty 110 pedagog anyqtalǵan.

Qazirgi kezde olardyń jyldar boıy 97 mln teńge ústemeaqy alyp kelgeni belgili boldy. 

- Aqtóbe oblystyq ishki aýdıt jáne Antıkor jalǵan sertıfıkatty anyqtady. Biliktilikti arttyrǵan soń barlyǵy 110 pedagogke 97 mln teńgeden astam ústemeaqy aýdarylǵany belgili bolyp otyr. Qarjy 1-2 jylda jınalyp qalǵan. Ár adamǵa 800 myńnan, keıde 1,2 mln teńgeden kelip tur. Qazirgi ýaqytta 75 mln teńgeden astam qarjy keri qaıtaryldy. Qazir tek 22 mln teńgege jýyq aqsha qalyp tur. Keıbiri shyn máninde ózi tapsyryp, ótkenin aıtyp otyr. Biraq ony sot arqyly dáleldeýi kerek. Barlyǵy 5-6 pedagog sottasamyn dedi. Qalǵan pedagogter qarjylyq qıyndyqqa baılanysty shamaly ýaqyt surady. Moıyndady, aqshasyn qaıtarady,- dedi Aqtóbe oblystyq bilim basqarmasy basshysynyń orynbasary Artýr Áýezov.

Onyń aıtýynsha, endi moderator biliktiligin alǵan adamdar ústemeaqy almaıdy, qaıta biliktilikti arttyrý úshin de 5 jyl ýaqyt kerek.

- Pedagogterdi shaqyrǵan, osy jolmen ótýge bolatynyn aıtyp arbaǵan. Qatty kinási bar dep aıta almaımyn. Sóıtip birinen keıin biri ilesip kete bergen. Pendeshilikke salynǵan. Ókinish bar. Keıbiri qaıta tapsyra alamyz dep senimdi otyr. Alaıda 5 jyl kútedi. Ústemaqy ala almaıdy, tek jalaqysyn alady,- dedi Artýr Áýezov.

Eske salsaq, barlyǵy 886 adam tizimge ilinse, alǵashqy kezde 800-i aqtóbelik ekeni aıtyldy.

Naqtylaı kele 110 pedagogtiń sertıfıkat úshin aqsha tólegeni belgili bolyp otyr.