BQO turǵyny kópqabatty úıdiń shatyrynda jylyjaı jasap, esirtki ósirgen

ORAL. QazAqparat – Batys Qazaqstan oblysynyń turǵyny kópqabatty úıdiń shatyrynda jylyjaı jasap, qarasora ósirgen, dep habarlaıdy QazAqparat Rolisia.kz-ke silteme jasap.

«Jylyjaıdyń ıesi kópqabatty úıdiń 39 jastaǵy turǵyny bolyp shyqty. Tintý kezinde qarasoraǵa uqsas ósimdik egilgen 8 qumyra men tyńaıtqysh tárkilendi.

Jasyryn bólmeniń qabyrǵalary folgamen, plastık materıalmen qaptalǵan, jylý, jaryq jáne ventılıatsııa tartylǵan.

Turǵynnyń aıtýynsha, Telegram arqyly qural-jabdyqtardy, tuqymdar men qarasorany ósirý boıynsha vıdeo-nusqaýlyqty satyp alǵan.

Qazir QR Qylmystyq kodeksiniń 300-baby 1-bóligi boıynsha qylmystyq is qozǵaldy», - delingen polıtsııa habarlamasynda.