BQO turǵyny atyraýlyqtardy ınternet arqyly 15 márte aldaǵan
02:54, 15 Aqpan 2020
ATYRAÝ. QazAqparat –Atyraýda alaıaqtar jasaıtyn qylmystyq áreketter azaıar emes. Óńir turǵyndary ásirese, ınternet jelisindegi alaıaqtarǵa jıi aldanady, dep habarlaıdy QazAqparat tilshisi.
Oblystyq polıtsııa departamentiniń bastyǵy Hamza Úmbetqalıevtiń aıtýynsha, alaıaqtardyń qatysýymen 1215 qylmys tirkelgen. Sonyń ishinde ınternet jelisimen 452 qylmys jasalǵan.
«Alaıaqtyq qylmysty ózge óńirden kelgender de jasaıdy. Máselen, byltyr jedel izdestirý barysynda ustalǵan Batys Qazaqstan oblysynyń turǵyny atyraýlyqtardy áleýmettik jeli arqyly 15 ret aldaǵan. Sondaı-aq, alaıaqtardyń qatarynda Almaty men Mańǵystaý oblysynyń turǵyndary da bar. Al, Atyraýdan 4 alaıaq ustaldy» -deıdi oblystyq polıtsııa departamentiniń bastyǵy Hamza Úmbetqalıev.
Avtor: Joldasbek Kósherbaıuly