BQO turǵyny 12 adamdy 600 myń teńgege otyrǵyzyp ketken
BQO polıtsııa departamentiniń baspasóz qyzmeti málim etkenindeı, Qaratóbe aýdanynyń 23 jasar turǵyny óziniń tanysyn memlekettik qyzmetshiniń testileý synynan ótkizemin dep aldaǵan.
Sóıtip 21 jasar jigittiń senimine kirip, san soqtyryp ketken.
Polıtsııa qyzmetkerleri mán-jaıdy tekserý barysynda onyń taǵy osyndaı 11 qylmysqa qatysy bar ekendigin anyqtady.
Alaıaq jábirlenýshilerge júrgizýshi jáne múgedektik kýáligin alyp berý, qurylys tehnıkasyn jalǵa berý qyzmetterin usynǵan. Alaıda azamattarǵa aqsha da qaıtarmaǵan, qyzmet te kórsetpegen. Osylaısha olarǵa 600 myńnan astam teńgeniń zalalyn keltirgen.
Qazirgi kezde kúdikti ýaqytsha ustaý ızolıatorynda qamaýda otyr.
QR QK 190-baby 3-bóligine (iri mólsherde jasalǵan alaıaqtyq) sáıkes sotqa deıingi tergeý amaldary júrgizilýde.
Eske sala keteıik, budan buryn Aqsaı qalasynda 4 adamnyń vahtalyq jumysqa jalǵan vaktsına pasportymen kelgenin jazǵan bolatynbyz.
Sondaı-aq Oralda joǵalyp ketken 65 jastaǵy er adamnyń denesi úsh kúnnen keıin tabyldy.