ORAL. KAZINFORM — «Qarasora — 2025» jedel aldyn alý is-sharasy barysynda BQO polıtsııa departamentiniń esirtki qylmysyna qarsy is-qımyl basqarmasy qyzmetkerleri quramynda esirtki zattar bar, ósirýge tyıym salynǵan ósimdikterdi zańsyz ósirý deregin anyqtady.
BQO polıtsııa departamentiniń baspasóz qyzmetinen málim etkenindeı, Báıterek aýdany aýyldarynyń birinde 49 jastaǵy er adam óz úıiniń aýlasynda esirtki ósimdikterin ósirip kelgen.
Tintý kezinde onyń aýlasynan jalpy kólemi 450 sharshy metr bolatyn, kóleńke túsiretin tormen jabylǵan jáne avtomatty sýarý júıesimen jabdyqtalǵan jasyryn jylyjaı tabyldy.
— Jylyjaıda qarasora tuqymdas ósimdikter ósirilgen. Tergeý barysynda quramynda esirtki zattary bar 47 túp ósimdik tárkilendi. Kúdiktiniń aıtýynsha, ol osy jyldyń kókteminde tuqym satyp alyp, sáýir aıynan bastap ósirýmen aınalysqan. Atalǵan derek boıynsha qylmystyq is qozǵaldy. Tergeý amaldary júrgizilýde, — dep habarlady vedomstvodan.
Eske sala keteıik, budan buryn Oralda esirtki taratýmen aınalysqan ınternet-dúken joıylǵanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).