BQO turǵyny 600 doza esirtkimen ustaldy

<p>Atyraýda sıntetıkalyq esirtkiniń 600-ge jýyq dozasyn satpaq bolǵan BQO turǵyny ustaldy. Kúdikti qamaýǵa alyndy, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

Kórshi óńirden kelgen kúdiktiniń jasy – 24-te. Ol «Quqyqtyq tártip» respýblıkalyq jedel-profılaktıkalyq is-sharasy kezinde ustaldy.

«Ekstremızmge qarsy is-qımyl jáne esirtki qylmysyna qarsy is-qımyl basqarmalarynyń qyzmetkerleri sıntetıkalyq esirtki zatyn asa iri kólemde satýmen aınalysqan 1999 jyly týǵan kúdiktini anyqtap, ustady. Kúdiktiniń Batys Qazaqstan oblysynda turatyny belgili boldy. Odan 175,74 gramm esirtki tárkilendi. Saraptama qorytyndysy 600-ge jýyq dozanyń sıntetıkalyq esirtkiniń «Mefedron» túri ekenin anyqtady. Kúdiktiniń aıtýyna qaraǵanda, odan tárkilengen esirtkiniń quny 4 mln teńgege jýyqtaıdy», – dep málim etti departamenttiń baspasóz qyzmetinen.

Polıtsııa qyzmetkerleri QR Qylmystyq kodeksiniń 297-baby 3-bóligimen sotqa deıingi tergeýdi bastady. Kúdikti qamaýǵa alyndy. Ózge aqparat Qylmystyq-protsestik kodeksiniń 201-babyna sáıkes jarııalanbady.

Buǵan deıin jazǵanymyzdaı, Atyraýda qarasha aıy bastalǵaly beri esirtkige qatysty 8 qylmys tirkeldi.