BQO trassasynda júk kóliginiń tirkemesi janyp ketti

ORAL. QazAqparat – Batys Qazaqstan oblysynda Ózbekstannan Reseıge ketip bara jatqan júk kóliginiń tirkemesi janyp ketti, dep habarlaıdy QazAqparat tilshisi.

BQO Tótenshe jaǵdaılar departamentiniń baspasóz qyzmetinen málim etkenindeı, oqıǵa 4 naýryz kúni saǵat 17.19-da Báıterek aýdany Gorbýnov aýyly mańynda boldy.

«Samara-Shymkent jolynyń 223-shaqyrymynda júk kóliginiń tirkemesi 20 tonnalyq toqyma buıymdarymen (ıirilgen jip) otqa orandy. Órt sóndirýshiler kelgenshe, tirkeme júk kóliginen ajyratylǵan. Júk kóligi Ózbekstanda tirkelgen. «Tilsiz jaý» BQO TJ departamenti kúshimen (7 adam, 2 tehnıka) saǵat 20.02-de aýyzdyqtaldy», - dep habarlady departamentten.

Eske sala keteıik, budan buryn Oralda balalar mingen 2 mektep avtobýsy qar qursaýynda qalǵanyn jazǵan bolatynbyz.