BQO tilderdi damytý basqarmasyna jańa basshy taǵaıyndaldy

ORAL. QazAqparat - «B» korpýsynyń memlekettik ákimshilik qyzmetshilerine rotatsııa júrgizý josparyna sáıkes, Batys Qazaqstan oblystyq tilderdi damytý basqarmasy basshysy laýazymyna Aıgúl Ádilgereıqyzy Myńbaeva taǵaıyndaldy, dep habarlaıdy «QazAqparat» tilshisi.

Oblys ákiminiń birinshi orynbasary Arman Óteǵulov jańa basshyny basqarma ujymyna tanystyryp, qyzmetine sáttilik tiledi.

 

Buǵan deıin BQO bilim basqarmasyna jetekshilik etken A.Á.Myńbaeva 1963 jyly dúnıege kelgen, bilimi joǵary, 1985 jyly pedagogıkalyq ınstıtýtty bitirgen. 1985-2000 jyldary orta jáne kásiptik bilim berý mekemelerinde ustazdyq qyzmet etken Aıgúl Ádilgereıqyzy 2000 jyldan beri BQO bilim basqarmasynda jetekshi mamannan bastap basshy laýazymyna deın kóterildi. 37 jyldyq eńbek ótiliniń 17 jylyn memlekettik qyzmetke arnaǵan ol ózin uıymdastyrýshylyq qabileti mol, bilikti maman retinde kórsete bildi.