BQO sý tasqynynyń ekinshi kezeńine daıyndalyp jatyr

<p>ORAL. KAZINFORM &ndash; Batys Qazaqstan oblysynda sý tasqyny bastalǵaly 13 159 adam evakýatsııalandy, onyń ishinde 7 myńnan astamy eresek azamattar bolsa, 6 myńǵa jýyǵy balalar. Bul týraly oblys ákiminiń baspasóz qyzmetiniń basshysy Erhan Tátken aıtty.&nbsp;</p>

Búgingi tańda oblys boıynsha 17 evakýatsııalyq pýnktke 1 701 adam ornalasty. Olarǵa qajetti zattar men azyq-túlikter ýaqytyly jetkizilip jatyr. 

«Qazirgi ýaqytta sý tasqynynyń ekinshi kezeńine daıyndyq júrgizilýde. Jaǵdaı áli de kúrdeli bolyp qalýda. Sebebi, Reseıdiń Orynbor oblysynan kele jatqan sýlar 17-19 sáýirde oblysqa keledi degen boljam bar. Qazirgi kezde Jaıyq ózenindegi sý deńgeıi 759 sm qurady. ıAǵnı, qaýipti deńgeıge jetip qaldy, ol 850 sm quraıdy. Osyǵan baılanysty 80 km jýyq bóget turǵyzylyp, Jaıyq ózeniniń jaǵasy barynsha nyǵaıtylýda. Qazirgi ýaqytta Aqjaıyq, Bórli, Báıterek, Terekti aýdandary men Oral qalasyn sý basý qaýpi bar», - dedi spıker Respýblıkalyq aqparattyq shtabta ótken brıfıngide.

Onyń aıtýynsha, sý tasqynynan zardap shekken azamattarǵa jan-jaqty kómek kórsetý jumystary jalǵasýda. Jergilikti bıýdjet esebinen birjolǵy áleýmettik kómek berilip jatyr. Búgingi tańda 677 otbasyǵa 125 mln teńge qarjy tólendi. Bul baǵyttaǵy jumys jalǵasady.

Sondaı-aq qaıyrymdylyq qorlar, kásipkerler, jeke tulǵalar tarapynan 279 mln teńge kóleminde gýmanıtarlyq kómek kórsetildi.