BQO statsıonarlarynda koronavırýspen 500-ge jýyq naýqas jatyr

ORAL. QazAqparat - Batys Qazaqstan oblysynda sońǵy táýlikte koronavırýsqa 3 092 PTR zertteý jasaldy, dep habarlaıdy QazAqparat tilshisi.

Oblystyq Densaýlyq saqtaý basqarmasynan málim etkenindeı, óńirde 13 zerthana (qýaty táýligine 6 myń test) jumys jasaıdy. Bularda 21 281 zertteýge arnalǵan 425,4 test júıesi bar.

Osy kezge deıin barlyǵy 559 011 zertteý júrgizildi.

Sońǵy táýlikte oblysta 105 adamnan koronavırýs anyqtalyp, 49 naýqas jazylyp shyqty.

Aldyńǵy aptamen salystyrǵanda, indet juqtyrǵandar sany 9 paıyzǵa (73 adamǵa) azaıdy.

Basqarma málimetine qaraǵanda, jyl basynan beri 12 282 naýqas tirkeldi. Olardyń 57,3 paıyzy (7045) Oral qalasy, 13,2 paıyzy (1633) Báıterek, 10,9 paıyzy (1340) Bórli aýdanynyń úlesine tıedi.

«Qazirgi kezde 1 123 tósektik 18 ınfektsııalyq statsıonarda 477 naýqas em qabyldaýda. Oblys boıynsha koronavırýsqa qarsy vaktsınanyń birinshi komponentin - 64 037 adam, ekinshi komponentin 25282 adam aldy», - dep habarlady vedomstvodan.

Eske sala keteıik, budan buryn BQO-da 62 myńǵa jýyq adam koronavırýsqa qarsy ekpe saldyrǵanyn jazǵan bolatynbyz.