BQO: shaǵyn bıznes sýbektilerine ınfraqurylymy daıyn jer telimderi beriledi
«Oblystaǵy 58 myńnan astam shaǵyn jáne orta bıznes sýbektilerinde 130 myń adam jumys isteýde. Jyl ishinde osy salada 1,2 trln teńgeniń ónimi shyǵaryldy. Shaǵyn jáne orta bıznesti damytýǵa bıyl 22 mlrd teńge bólinip, 3 myńnan astam jobaǵa qoldaý kórsetilýde», - dedi Narıman Tóreǵalıev Ortalyq kommýnıkatsııalar qyzmeti alańynda ótken baspasóz máslıhatynda.
Ákimniń málimdeýinshe, óńirdegi ındýstrııalyq aımaqta quny 14,9 mlrd teńge bolatyn 5 ınvestıtsııalyq joba iske asyp jatyr.
«Sonymen qatar jalpy kólemi 2,8 gektar jer teliminde («M-4» JShS kompanııasy) shaǵyn ónerkásiptik aımaq qurylysy da qolǵa alynýda. Shaǵyn ónerkásiptik aımaq alańynda múmkindikteri joq shaǵyn bıznes sýbektilerine jańa óndiris oryndaryn ashý úshin ınfraqurylymdary daıyn jer telimderi usynylatyn bolady. Bul shaǵyn jáne orta bıznesti odan ári damytýǵa memleket tarapynan jasalyp jatqan qoldaý», - deıdi óńir basshysy.
Aıta ketsek, Batys Qazaqstan oblysynda aýylǵa eńbek etýge baratyn mamandardyń kóterme aqysy artty.
Buǵan deıin atalǵan óńirde úsh jyldyń ishinde 620 myń gektar jer memleketke qaıtarylǵany týraly habarlaǵan edik.
Sondaı-aq oblys basshysy Oral qalasynda 1 myń oryndyq sport kesheni paıdalanýǵa beriletinin málimdedi.