BQO polıtsııasy Úndistannyń 12 azamatyn ustady
21:06, 11 Tamyz 2023
ORAL. QazAqparat – Batys Qazaqstan oblysynda Úndistannan kelgen bir top adam ustaldy, dep habarlaıdy QazAqparat polisia.kz-ke silteme jasap.
9 tamyz kúni Bórli aýdanynyń tártip saqshylary Úndistan eliniń 12 azamatyn ustady. Tekserý barysynda sheteldikterdiń 8-inde Qazaqstan aýmaǵynda vızasyz bolý merzimi ótip ketkeni anyqtaldy.
«Ákimshilik quqyqbuzýshylyq týraly kodekstiń 517-baby (»Sheteldiktiń nemese azamattyǵy joq adamnyń Qazaqstan Respýblıkasynyń halyqtyń kóshi-qony salasyndaǵy zańnamasyn buzýy«) boıynsha jaýapkershilikke tartý úshin 8 sheteldikke qatysty is sotqa joldandy.
Ustalǵandar Qazaqstanǵa týrıst retinde ushyp kelgeni belgili boldy», - delingen polıtsııa málimetinde.