BQO orkestri Ázerbaıjan elinde kontsert qoıdy
Orkestr aldymen Shekı qalasynda TÚRKSOI halyqaralyq uıymy uıymdastyrǵan «Jibek joly» H halyqaralyq mýzyka festıvaline qatysty.
Sodan keıin QR eńbek sińirgen qaıratkeri, professor, dırıjer Qanat Ahmetovtiń basqarýymen orkestr Baký qalasynda Rashıd Beıbýtov atyndaǵy Ázerbaıjan memlekettik mýzykalyq teatrynda «Uly dala shertken syr» atty kontserttik baǵdarlamasyn qoıdy.
Sapar maqsaty «Rýhanı jańǵyrý» baǵdarlamasynyń «Jahandyq álemdegi zamanaýı qazaqstandyq mádenıet» atty arnaıy jobasy aıasynda shet elde qazaq mádenıeti men ónerin nasıhattaý edi.
Kontsert barysynda dombyra, qylqobyz, prıma-qobyz jáne basqa halyqtyq aspaptarda oınaıtyn orkestr mýzykanttarynyń oryndaýynda halyqtyń dástúrli ánderi men ózge de ozyq týyndylar kórermender nazaryna usynyldy.
Orkestrdiń súıemeldeýimen, mysaly, Qurmanǵazynyń «Saryarqa» men «Balbyraýyn», Sydyq Muhamedjanovtyń «Shattyq» kúılerin jáne A.Qorazbaevtyń «Sary dala» ánin dombyra aspabynda Aqylbek Bektasov oryndasa, halyq áni «Ilıgaı», A.Zatsepınniń «Pesnıa o vesne» ánin Aqsulý Jumalıeva shyrqady. S.Báıterekovtyń «Kishkentaı» atty shyǵarmasyn fleıtada Vladımır Shýtarev, E.Úsenovtyń «Kúzgi áýen» kúıin Móldir Jalmuhambetova, E.Brýsılovskııdiń «Shegeniń arııasy» men Jaıaý Musanyń «Aqsısa» ánin Ernar Ómiráli oryndap berdi. Kórermender sondaı-aq belgili ánshi Jańylsyn Hasanova, Aqsamal Qanatqalıeva, Nadejda Ilmıneva syndy oryndaýshylardyń ónerin de joǵary baǵalady.
Kontsertti túrki tildes 12 eldiń memlekettik hatshylary men óner súıer ókilderi tamashalady.
Shara sońynda QR Premer-Mınıstriniń orynbasary Gúlshara Ábdiqalyqova Batys Qazaqstan oblysy ákiminiń estradalyq-sımfonııalyq orkestrine yqylas gúlin syılap, shyǵarmashylyq ujymǵa alǵysyn bildirdi.
Eske sala keteıik, budan buryn batysqazaqstandyq ártisterdiń Aýstrııada óner kórsetkenin jazǵan bolatynbyz.
Birqatarártisterge TÚRKSOI halyqaralyq uıymynyń bas hatshysy, óner maıtalmany Dúısen Qaseıinov alǵyshat tabys etti.