BQO-nyń Qaratóbe aýdanynda tamyz aıynyń sońyna deıin 90 úı boı kótermek

<p>ORAL. KAZINFORM &mdash; Batys Qazaqstannyń Qaratóbe aýdanynda tamyz aıynyń sońyna deıin 90 úı boı kótermek. Bul týraly QR Ónerkásip jáne qurylys mınıstrliginiń baspasóz qyzmeti málimdedi.</p>

QR Ónerkásip jáne qurylys mınıstrligi sý tasqynynyń zardaptaryn joıý maqsatynda jumysty jedeldetý boıynsha belsendi sharalar qabyldap otyr.

Qaratóbe aýdany Qorjyn aýylynda sý tasqynynan zardap shekken azamattarǵa arnalǵan 90 úıdiń qurylysy júrgizilip jatyr. Qurylys barysyn gov.kz portaly arqyly onlaın baqylaýǵa bolady.

Qurylys jumystaryn a. j. tamyz aıynda aıaqtaý josparlanýda. Sonymen qatar, 13 úıde jóndeý jumystary aıaqtaldy.

QR ÓQM Ahýaldyq ortalyǵynyń málimetinshe, Batys Qazaqstan oblysynda 3 332 nysanǵa tehnıkalyq zertteý júrgizilgen. Zertteý nátıjeleri boıynsha kelesi sharalar josparlanǵan:

- 401 turǵyn úı salý;

- 1 497 úı satyp alý;

- 1 434 úıde jóndeý jumystaryn júrgizý.

Infraqurylymdy jedel qalpyna keltirý, turǵyn úımen qamtamasyz etý maqsatynda jumystar júrgizilip jatyr.