BQO mýzeıinde assambleıa zaly ashyldy (FOTO)

ORAL. QazAqparat - Alǵys aıtý kúnine oraı keshe BQO tarıhı-ólketaný mýzeıinde Qazaqstan halqy Assambleıasynyń jáne Qazaqstannyń polıetnostyǵynyń tarıhy zaly ashyldy.

Ashylý rásimine oblys ákiminiń orynbasary Baqtııar Máken bastaǵan óńirdegi etnomádenı birlestikter basshylary men ókilderi, stýdent jastar qatysty.

Assambleıa zalynda qazaq, orys, koreı, ázerbaıjan, uıǵyr, tatar, ýkraın jáne basqa halyqtardyń ulttyq kıimderi men buıymdary, muraǵat qujattary, mýzyka aspaptary, kóne kitaptar, barlyǵy 100-den astam qundy jádigerler qoıylǵan.

Koreı etnomádenı birlestiginiń tóraǵasy Maksım Pak Oral qalasynda ornatylǵan «Qazaq halqyna myń alǵys» monýmentiniń kóshirme músinin mýzeıge tabys etti.

Mýzeı dırektory Mırbolat Ersaevtyń aıtýynsha, assambleıa zaly turaqty jumys jasap, jańa jádigerlermen tolyqtyrylyp turatyn bolady.