BQO-men shektesetin Reseı aýylynda sý bógeti buzyldy

ORAL. QazAqparat – BQO-men shektesetin Reseıdiń Orynbor oblysy Pýstobaev aýylynda sý qoımasyndaǵy bóget buzyldy, dep habarlaıdy QazAqparat tilshisi.

BQO TJ departamentiniń baspasóz qyzmeti málim etkenindeı, oqıǵa búgin saǵat 16.40-ta bolǵany jóninde Orynbor oblysy boıynsha TJ mınıstrligi bas basqarmasynyń daǵdarys jaǵdaıynda basqarý ortalyǵy habarlaǵan.

Qoımadaǵy sý kólemi shamamen 8 mln tekshe metrdi quraıdy. Shaıylǵan bógettiń eni – 7-8 metr. Sý Eltyshevka, odan Jaıyq ózenine quıylady. Jaıyq ózeni Báıterek aýdany ıAnvartsev aýyldyq okrýgi Chınarev aýylynyń janymen aǵady.

Chınarev aýylynda 1 mektep, 1 medpýnkt, 1 shekara zastavasy, 82 úı bar, mal basyn eseptemegende, 223 adam turady. Eldi mekenge ázirge qaýip tónip turǵan joq.

Tasqyn sýdyń aldyn alý baǵytynda Chınarevqa arnaıy tehnıkalar men qutqarýshylar, jaýapty adamdar jiberilgen.

Eske sala keteıik, budan buryn Oralda turǵyndardy kóshirý úshin 27 evakýatsııalyq qosyn ázirlengenin jazǵan bolatynbyz.