BQO men Pavlodar oblystary Túrkistanǵa tarıhı oryndar ortalyǵyn salyp beredi

TÚRKІSTAN. QazAqparat - Batys Qazaqstan men Pavlodar oblystary Túrkistanǵa tarıhı-kıeli oryndardyń ortalyǵyn salyp beretin boldy. Búgin óńirge QR Prezıdentiniń hattamalyq tapsyrmasyn oryndaý sheńberinde Túrkistan qalasyna osy óńirlerdiń sáýlet jáne qala qurylysy jáne qurylys basqarmalarynyń basshylary keldi, dep habarlaıdy QazAqparat tilshisi.

Eki oblystan kelgen Nurlan Qaqambetov pen Altynbek Qaısaǵalıev aımaq basshysy Janseıit Túımebaevtyń qabyldaýynda bolyp, «Túrkistan oblysynyń tarıhı-kıeli oryndarynyń ortalyǵy» ǵımaratynyń qurylysy boıynsha májiliske qatysty. Jıyn barysynda óńir basshysy qurylys jumystary bıyl bastalý kerektigin atap ótti.

«Elbasy tapsyrmasyna sáıkes, Túrkistan qalasynda salynatyn nysandardy talqylap, zerdeleýge eń alǵashqy bolyp Pavlodar men Batys Qazaqstan oblysynyń ókilderi kelip otyr. Ol úshin Sizderge jáne Pavlodar oblysynyń ákimi Bolat Baqaýov pen Batys Qazaqstan oblysynyń ákimi Altaı Kólginovke alǵys aıtamyn. Aldymen alańdaǵy tarıhı eskertkishterdiń ornalasý tártibi rettelý kerek. Týrısterge jáne qala turǵyndary úshin yńǵaıly bolý úshin saýda oryndary jumys jasap, otbasylyq serýendeýge jan-jaqty jaǵdaı jasalýy tıis. Ortalyqta boı kóteretin keshenderdiń dálme-dál kóshirmesiniń bıiktigi shamamen 3-4 metr bolady. Qoıylǵan tapsyrmany tııanaqty oryndaý úshin úshjaqty kelisimge kelip, jol kartasyn ázirleımiz», - dedi Janseıit Túımebaev.
 

Óz kezeginde qala qonaqtary jańa oblys ortalyǵynyń kórkeıýine barynsha qoldaý kórsetýge daıyn ekenderin jetkizdi.