BQO máslıhatyna AMANAT partııasynan - 10, «Aýyl» men «Aq joldan» eki depýtattan saılandy

ORAL. QazAqparat - BQO aýmaqtyq saılaý komıssııasy oblystyq máslıhattyń tirkelgen depýtattar tizimin jarııa etti, dep habarlaıdy QazAqparat tilshisi.

Sonyń ishinde AMANAT partııasynyń partııalyq tizimi boıynsha 10 depýtat tirkeldi.

Olar - Anvar Agaev, Gúlmıra Batpaqulova, Nurtaı Jumashev, Sofıa Іzmuhanbetova, Mırbolat Qurmanǵalıev, Ogannes Mınasıan, Muratbek Mýhambedıev, Murat Muqaev, Erbol Salyqov jáne Dinmuhamed Sátbaev.

Sondaı-aq «Aýyl» halyqtyq-demokratııalyq patrıottyq partııasynan Saıran Eskendırov, Qýanysh Birmanov, Qazaqstan Halyq partııasynan Borıs Lavrentev, «Aq jol» Qazaqstannyń Demokratııalyq partııasynan Asqar Merǵalıev pen Erjan Hasanov ótti.

Qalǵan 15 depýtat bir mandattyq okrýgter boıynsha saılandy.

Eske sala keteıik, budan buryn BQO máslıhatyna bir mandattyq okrýgter boıynsha saılanǵan depýtattarmen qatar tórt partııanyń ókilderi ótkenin jazǵan bolatynbyz.

Sondaı-aq Oral qalalyq máslıhatyna kimderdiń saılanǵany habarlandy.