BQO kásipkerleri Elbasy úndeýine qoldaý bildirdi
«Batys Qazaqstan oblysynyń kásipkerleri Elbasy N.Nazarbaevtyń koronavırýske qarsy kúres úndeýin qoldaımyz. Qazaqstan koronavırýspen kúresýge barynsha kúshin salýda. Osy tusta indetti taratpaýdyń barlyq jaǵdaıy jasalyp, ár azamattyń densaýlyǵy men qoǵamdaǵy turaqtylyqty saqtaý maqsatynda saqtyq sharalary qoldanylyp, sanıtarly-profılaktıkalyq tártip ornaǵany málim.Osy oraıda el azamattary qysyltaıań kezeńde birlik pen tutastyq bildirýin toqtatpaıdy.Qazirgi kúni álem boıynsha ınfektsııa taralýynan zardap shekpegen el kemde-kem. Osyndaı qıyn qystaý kezeńde barlyq qazaqstandyqtar jumyla bir-birimizge qoldaý kórsetýge mindettimiz» - delingen úndeý mátininde.
Sonymen qatar, úndeýde qıyndyqta qol ushyn berý – ıgi dástúr, halqymyzdyń qanynda bar, boıymyzǵa sińgen asyl qasıet ekeni aıqylady. Bul rette kásipkerler Elbasynyń úndeýin qoldaı otyryp, qarjylaı kómek kórsetýge daıyn ekendikterin jetkizedi.
Úndeýge «Nan ónimderin óndirýshi Jelaev kombınaty» AQ (AO «Jelaevskıı kombınat hleboprodýktov»), «Beles-Agro» JShS (TOO «Beles-Agro») «Batys Paýer» JShS (TOO «Batys Paýer»), «Arna Oral» JSSh (TOO «Arna Oral») jáne basqalary qosylǵan.