BQO-ǵa sý tasqynymen kúreske baǵyttalǵan arnaıy ınjenerlik tehnıka jiberildi

<p>ASTANA. KAZINFORM - Búgin Batys Qazaqstan oblysyna sý tasqynyna qarsy kúreske kómektesý úshin arnaıy jáne ınjenerlik tehnıka jóneltildi, dep habarlaıdy QR Tótenshe jaǵdaılar mınıstrliginiń baspasóz qyzmeti.</p>

Baspasóz qyzmetiniń málimetterine qaraǵanda, jergilikti atqarýshy organdarmen birlesip Almaty oblysynan 150-den astam tehnıka, onyń ishinde tıeý, ınjenerlik, júk jáne sý tasıtyn tehnıkalary jáne motorly qaıyqtar jóneltildi. Almaty, Jetisý oblystary jáne RJQJ tehnıkalary men jeke quramy BQO-ǵa kómekke attandy.

Esterińizge sala keteıik, Almaty oblysy TJD jeke quramy Atyraý jáne Abaı oblystarynda jumys júrgizýde.