BQO-ǵa Reseı aýmaǵynan tasqynnyń ekinshi kezeńi kele jatyr – «Qazgıdromet»

<p>ASTANA. KAZINFORM &ndash; &laquo;Qazgıdromet&raquo; RMQ bas dırektorynyń orynbasary Serik Saırov Batys Qazaqstan oblysyna Reseı aýmaǵynan tasqynnyń ekinshi kezeńi kele jatqanyn málim etti. Úkimet otyrysynyń aldynda BAQ ókilderiniń saýalyna jaýap bergen &laquo;Qazgıdromet&raquo; ókili Aqtóbe jáne Qostanaı oblystarynda tasqynnyń beti qaıta bastaǵanyn atap ótti.</p>

«Aldaǵy ýaqytta Qostanaı oblysynyń ortalyq, batys bóliginde tasqyn bastalady dep kútip otyrmyz. Sonymen qatar, Batys Qazaqstan oblysynda ekinshi kezeńi bastalady. Ol kezeńniń kózi – Reseı aýmaǵynan keletin sýdyń kólemi. Óıtkeni Irıkla sý qoımasynan keletin sýdyń mólsheri kóbeıip, olarda sýdy kúrt túsirý jumysy júrgizilip jatyr. Sonymen qatar, Jaıyqqa Bashqurstannan Saqmar ózeni kelip qosylady. Ol jaqtan Qazaqstannan kirgen Elek ózeni barady. Sonyń bári qosylyp, Oralǵa jaqyn kezeńde úlken sý keledi dep kútilip otyr. Jaqyn kezeń degende osy aptanyń aıaǵyna deıingi merzimdi aıtyp turmyn. Jaıyq ózeni qazirdiń ózinde kóterilip jatyr. Bizdiń qurylymdyq bólimshelerdiń daıyndyǵy boıynsha, daıyndyq qarqyndy júrip jatyr», - dedi Serik Saırov.

Onyń aıtýnysha, «Qazgıdromet» ókilderi qazir Reseı mamandarymen kúndelikti baılanysta.

«Reseılik mamandarmen baılanystamyz. Olardan aqparat kúndelikti túsip jatyr», - dedi ol.