BQO-ǵa 1300 tonna gýmanıtarlyq kómek jetkizildi

<p>ASTANA. KAZINFORM &ndash; Sý tasqynyna ushyraǵan Batys Qazaqstan oblysyna gýmanıtarlyq kómek áýe, avtokólik jáne poıyz arqyly jetkizilip jatyr. Bul týraly osy óńirdegi Tótenshe jaǵdaılar departamentiniń resmı ókili Nurjan Tóleýish málim etti.</p>

«Búginde barlyǵy 14 019 adam evakýatsııalandy, onyń ishinde 5793 bala bar. 12 evakýatsııalaý pýnktinde 2 428 adam bar, onyń 1038-i bala. Odan bólek 5 078 bas mal qaýipsiz jerge aıdaldy. 5 sáýirden bastap oblystyq gýmanıtarlyq kómek qabyldaý shtabyna 1 300,4 tonna gýmanıtarlyq kómek tústi, atap aıtqanda 81,1 tonna kómek áýe kemesi arqyly jáne 1 219,3 tonna júk avtokólik jáne poıyzben jetkizildi», - dedi Nurjan Tóleýish OKQ-de ótken brıfıngige ZOOM arqyly qatysa otyryp. 

Qazir BQO-da 1 104 myń tekshe metrden astam erigen sý soryldy, sonymen qatar 1 301 481 qap jáne 26 638 myń tonna ınertti materıal tóseldi. Avarııalyq-qutqarý jumystaryna 1 596 adam, 477 tehnıka, 63 sý aıdaý jáne 151 júzý quraldary, 1 áýe kemesi tartyldy. 

«Jergilikti aýqymdaǵy 6 tótenshe jaǵdaı (BQO, Oral qalasy, Qaratóbe, Syrym, Bórli jáne Terekti aýdany) kúshin joımady. «Jedel jeli» telefonyna 756 qońyraý túsip, onyń ishinde 13 shuǵyl psıhologııalyq kómek surady, qalǵany aqparatty anyqtaý sıpatynda», - deıdi ol.