BQO: Elbasy Joldaýyn áskerı qyzmetshiler de qoldaıdy (foto)
«Batys» óńirlik qolbasshylyǵynyń baspasóz qyzmetinen túsken málimetke qaraǵanda, jıynda Oral garnızonynyń áskerı prokýrory, ádilet podpolkovnıgi Altynbaı Raev Elbasynyń «Nurly jol - bolashaqqa bastar jol» atty Joldaýynyń negizgi baǵyttaryn túsindirip berdi. «Elbasy Joldaýyn jyl saıyn qazaqstandyqtar asyǵa kútedi. Onda eldiń ekonomıkalyq-áleýmettik damýynyń barlyq baǵyttary naqtylanady. Sonyń ishinde qoǵamdaǵy ózgerister, jańa bastamalar Qazaqstan Qarýly kúshterin de aınalyp ótpeıdi», dedi A.Raev.
Budan keıin «Batys» óńirlik qolbasshysynyń tárbıe jáne áleýmettik-quqyqtyq jumystar jónindegi orynbasary, polkovnık Berik Omarov el damýy úshin barlyq jaǵdaı jasalyp otyrǵanyn, áskerdiń beıbitshilik pen qaýipsizdik kepili bolyp qala beretinin atap ótip, Elbasy Joldaýyna sáıkes alda turǵan maqsat-mindetterge toqtaldy. Sondaı-aq BQO qorǵanys isteri jónindegi departament bastyǵynyń orynbasary, podpolkovnık Marat Esenov, QR UQK Shekara qyzmeti 2029-áskerı bóliminiń aǵa ofıtseri, maıor Gleb Rybalkın, 5517-áskerı bóliminiń komandıri, podpolkovnık Aıan Esjanov el ómirindegi asa mańyzdy qujatty barlyq áskerı qyzmetshiler basshylyqqa alýy qajettigin jetkizdi.