BQO depýtattary Dıplommen - aýylǵa baǵdarlamasyn qaıta qaraýdy surady

ORAL. QazAqparat - Batys Qazaqstan oblysynda jumys saparymen júrgen Ulttyq ekonomıka mınıstri Álibek Qýantyrov oblystyq, qalalyq jáne aýdandyq máslıhattardyń depýtattarymen kezdesý ótkizdi, dep habarlaıdy QazAqparat.

Іs-shara barysynda qatysýshylar aýyl sharýashylyǵyn damytý, halyqtyń tabysyn arttyrý mektepterdi jóndeý men salý, bıýdjettiń IV deńgeıindegi kirister týraly jáne t.b. ózekti máselelerdi kóterdi.

Sondaı-aq, depýtattar ekonomıkanyń basym sektorlarynda bızneske qoldaý kórsetý boıynsha sharalar qabyldaýdy suraıdy.

«ShOB damýy ekonomıkany damytýdaǵy negizgi tirekterdiń biri. Buǵan biz asa mán berip otyrmyz. Ásirese orta bızneske. Ekonomıkadaǵy ShOB úlesi 33,5% - dan 36% - ǵa deıin ósti. Bıznesti odan ári qoldaýǵa tyrysamyz», - dedi mınıstr.

Budan bólek olar jas mamandardyń turǵyn úı jaǵdaıyn jaqsartý úshin «Dıplommen aýylǵa» baǵdarlamasyn qaıta qaraýdy surady.

UEM basshysy atap ótkendeı, Mınıstrlik jergilikti jerlerde bilikti kadrlardy tartýǵa erekshe nazar aýdaratynyn. Búginde «Dıplommen aýylǵa» jobasy boıynsha másele pysyqtaldy. Tıisti bıýdjettik ótinim Qarjy mınıstrligine engizildi.

Sonymen qatar, kezdesý barysynda salyq salý, ınvestorlardy tartý, sondaı-aq elektr jelileriniń tozýy men TKSh (turǵyn úı-kommýnaldyq sharýashylyǵy) jańǵyrtý máseleleri talqylandy.

Kezdesý qorytyndysy boıynsha Á.Qýantyrov depýttarǵa belsendi qatysqany úshin alǵys aıtyp, barlyq máseleler jergilikti bılik organdarymen jáne jaýapty memlekettik organdarmen birlesip pysyqtalatynyn atap ótti.