BQO-daǵy tasjoldardyń 62%-iniń jaǵdaıy qanaǵattanarlyq - QazAvtoJol

ORAL. QazAqparat – Batys Qazaqstan oblysyndaǵy respýblıkalyq mańyzy bar tasjoldardyń 62 paıyzy qanaǵattanarlyq deńgeıde. 2023 jyly bul kórsetkish 89 paıyzǵa jetpek. Bul týraly «QazAvtoJol» ulttyq kompanııasynyń BQO-daǵy fılıalynyń dırektory Qazbek Mámbetov málim etti, dep habarlaıdy QazAqparat tilshisi.

«Batys Qazaqstan oblysy boıynsha respýblıkalyq mańyzy bar tasjoldardyń 62 paıyzynyń jaǵdaıy qanaǵattanarlyq deńgeıde. Qalǵan 38 paıyzy kóńil kónshitpeıdi. Búginde ondaı 38 paıyz tasjoldyń 27 paıyzyna kúrdeli jáne qaıta jóndeý jumystary júrip jatyr. Osy jumystardan soń kelesi jyly oblystaǵy respýblıkalyq tasjoldardyń qanaǵattanarlyq deńgeıi 89 paıyzǵa jetip qalady dep otyrmyz», - dedi Qazbek Mámbetov baspasóz týry barysynda.

Onyń aıtýynsha, jol salý men jóndeýge qajetti mamandar men tıisti tehnıka bar.

«Bastysy jol qurylysy materıaldary ýaqytyly jetkizilip tursa. Sosyn aýa raıy qarasyp tursa, jumysty kestege saı bitiremiz dep otyrmyz», - deıdi ol.

Eske sala ketsek, BQO-daǵy kúre joldar problemasy Prezıdenttiń nazaryna ilikken edi .

Memleket basshysy uzaq jyldar boıy sheshilmeı kele jatqan Batys Qazaqstan oblysyndaǵy kúre joldar problemasy boıynsha Úkimetke jáne aımaq basshysyna tapsyrmalar júktedi.

Aıta keteıik, «QazAvtoJol» ulttyq kompanııasynyń uıymdastyrýymen «Aqtóbe – Oral – Atyraý» baǵytyndaǵy respýblıkalyq mańyzy bar joldardaǵy istelinip jatqan jumystar boıynsha BAQ ókilderine arnalǵan týr ótip jatyr.