BQO-daǵy tasqynmen kúres jumystaryna qansha erikti jumyldyryldy

<p>ASTANA. KAZINFORM &ndash; Batys Qazaqstan oblysynyń óńirlik front-ofısiniń basshysy Nursultan Sársenbaev Biz birgemiz qory óńirdegi tasqynǵa qarsy jumystarǵa qandaı kómek kórsetkenin aıtty.</p>

«Batys Qazaqstan oblysynda 2500-3000 ǵa jýyq eriktiler jasaqtaldy. Sý tasqynynan zardap shekken qala jáne aýdan turǵyndaryna tıisti kómek kórsetilip, evakýatsııalyq oryndarǵa kóshirildi. Oblys boıynsha 7000 ǵa jýyq adam evakýatsııalandy, onyń ishinde 3000-y balalar», - dedi ol ortalyq kommýnıkatsııalar qyzmetinde ótken brıfıngide.

Onyń aıtýynsha, Biz birgemiz qory tasqynmen kúrestiń alǵy shebinde júrgen mamandarǵa arnaıy tehnıka men quraldar tabystaǵan.

«Kúrdeli jaǵdaıǵa baılanysty ózge oblystardan materıaldyq kómek kórsetilip jatyr. Biz birgemiz qorynan sý sorǵysh 15 motopompa, 500 matras, 100 qaıyq jiberildi. Atalǵan kómekter boıynsha aqparattar áleýmettik jelide jarııalanyp jatyr», - dedi Nursultan Sársenbaev.