BQO-daǵy 4 adam qaza tapqan jol apaty: bir jigit jansaqtaý bóliminde jatyr

<p><span style="font-family: sans-serif; font-size: 18px;">Batys Qazaqstan oblysynda 4 adam mert bolǵan jol apaty saldarynan aýyr jaraqat alǵan 28 jastaǵy jigit jansaqtaý bóliminde jatyr, dep habarlaıdy QazAqparat tilshisi.</span></p>

BQO densaýlyq saqtaý basqarmasynyń baspasóz qyzmetinen málim etkenindeı, jol apatynan keıin 1995 jylǵy jigit jedel járdem brıgadasymen Oral qalalyq kópbeıindi aýrýhanasyna jetkizildi.
«Aıaq-qoldary qozǵalyssyz qalyp, moıyn tusynan aýyrsynǵan er adam reanımatolog, hırýrg, travmatolog, neırohırýrg dárigerlerdiń tekserýinen ótip, shuǵyl túrde jansaqtaý bólimshesine jatqyzyldy. Oǵan ota jasaldy, jaǵdaıy áli de aýyr», dep habarlady vedomstvodan.
Eske sala keteıik, budan buryn Batys Qazaqstanda 2 avtokólik soqtyǵysyp, 4 adamnyń kóz jumǵanyn jazǵan bolatynbyz.
Turǵyndardyń sózine qaraǵanda, qaza tapqandar arasynda memlekettik emes órt sóndirý qyzmetiniń qyzmetkerleri bolǵan.