ORAL. QazAqparat – Batys Qazaqstan oblysynda qazaqstandyq júrgizýshi 50 mln teńgeniń qara ýyldyryǵyn Reseıge alyp ótpek bolǵan, dep habarlaıdy QazAqparat tilshisi.
QR UQK shekara qyzmetiniń baspasóz qyzmetinen málim etkendeı, oqıǵa 6 tamyz kúni «Syrym» avtokólik ótkizý beketinde boldy.
«Saǵat 05.30-da quramynda kishi serjant Jandos Narmat, efreıtor Álisher Maqanov bar shekarashylar jasaǵy qazaqstandyq azamat M.Hashımov aıdap kele jatqan júzim tıelgen «Volvo» kóligin teksergen. Sol kezde júzimniń astynan skochpen oralǵan 8 qorap shyqty. Báıterek aýdany polıtsııa bóliminiń jedel tergeý toby, BQO polıtsııa departamenti tabıǵat qorǵaý polıtsııasy jáne shekarashylar jasaǵymen bekire balyǵynyń qara ýyldyryǵy salynǵan 399 banka tabyldy. Aldyn ala esep boıynsha onyń jalpy salmaǵy – 100-120 kg, quny – 50 mln teńge. Qazirgi kezde tergeý amaldary júrip jatyr», - dep habarlady vedomstvodan.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).