ORAL. KAZINFORM – Batys Qazaqstan oblysy Kaztalov aýdanynda Qaraózen mektep-lıtseıiniń ınternaty otqa orandy.
BQO TJ departamentiniń baspasóz qyzmetinen málim etkenindeı, Qaraózen aýylynda aýdany 388 sharshy metr bir qabatty ınternat ǵımaratynyń órtenip jatqany jóninde habar 9 shilde kúni saǵat 14.30-da túsken.
- Órt sóndirýshiler tez arada jetip, «tilsiz jaýdy» tolyqtaı aýyzdyqtady. Órtti sóndirýge 13 adam, 2 tehnıka tartyldy. Mektep-lıtseı ınternaty kúrdeli jóndeýde bolǵan. Zardap shekkender joq. Qazir oqıǵanyń sebebi anyqtalý ústinde, - dep habarlady vedomstvodan.
Turǵyndardyń sózine qaraǵanda, ınternat ǵımaratyn «Jaıyq Sıtı» JShS kúrdeli jóndeýden ótkizip jatqan.
Eske sala keteıik, budan buryn Oralda quny 65 mln teńgeden asatyn sırenalyq-sóıleý qurylǵaly ornatylyp jatqanyn jazǵan edik.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).