BQO-da jol apatynan aýyr jaraqat alǵan bala Oralǵa jetkizildi

<p>ORAL. KAZINFORM &mdash; Batys Qazaqstan oblysynda tórt adam qaza tapqan jol apaty saldarynan aýyr jaraqat alǵandar em alyp jatyr.</p>

BQO densaýlyq saqtaý basqarmasy baspasóz qyzmetiniń málim etkenindeı, qazirgi ýaqytta eki naýqas Kaztalov aýdany Jalpaqtal aýylyndaǵy aýrýhanada emdelýde.

«Segiz jasar balanyń jaǵdaıy óte aýyr. Shamala oń ózgeris bar. 1981 jylǵy er adamnyń jaǵdaıy turaqty aýyr. 10 jasar bala sanavıatsııamen oblystyq kópbeıindi balalar aýrýhanasyna jetkizildi. Jaǵdaıy aýyr, jansaqtaý bóliminde jatyr. Dárigerler jol apatynan jaraqat alǵan adamdardyń jaǵdaıyn jaqsartý baǵytynda qoldan kelgenniń bárin jasaýda», dep habarlady vedomstvodan.

Eske sala keteıik, budan buryn Batys Qazaqstanda jol apatynan tórt adamnyń qaza tapqanyn jazǵan bolatynbyz.

Keshe tańmen «GAZ-3102» avtokóligi Chapaev-Jalpaqtal-Kaztalov jolynda Jalpaqtal aýyly tusynda jol shetinde turǵan «KamAZ»-ǵa soǵylǵan edi.