BQO-da jol apatynan 1 adam mert bolyp, 4-eýi jaraqat aldy

<p>Batys Qazaqstan oblysynda jol apatynan 1 adam mert bolyp, tórteýi jaraqat aldy, dep habarlaıdy <a href="Kazinform" target="_blank" rel="noopener">Kazinform</a>.</p>

BQO polıtsııa departamentiniń baspasóz qyzmetinen málim etkenindeı, oqıǵa 7 qańtar kúni Kaztalov aýdany aýmaǵynda boldy.

«Saǵat shamamen 16.30-da Kaztalov-Jánibek-RF shekarasy jolynda «VAZ-2110» avtokóliginiń júrgizýshisi júk kóligin basyp ozamyn dep, qarsy betke shyǵyp ketken. Sóıtip «Shevrole Lachetı» avtokóligimen soqtyǵysýǵa jol bergen. Jol apaty saldarynan 1 adam kóz jumdy. Túrli jaraqat alǵan tórt adam Kaztalov aýdandyq aýrýhanasyna jetkizildi. Atalmysh derek boıynsha QR QK 345-baby 3-bóligine sáıkes sotqa deıingi tergeý amaldary júrgizilýde. Qazirgi kezde oqıǵanyń jaı-japsary anyqtalý ústinde», dep habarlady vedomstvodan.

Osylaısha, BQO-da bir kúnde eki jol apatynan 4 adam qaza taýyp, 13-i jaraqat aldy.
Eske sala keteıik, budan buryn Batys Qazaqstanda jol apatynan úsh adamnyń kóz jumǵanyn jazǵan bolatynbyz.

BQO densaýlyq saqtaý basqarmasy baspasóz qyzmetiniń naqtylaýynsha, Oral-Atyraý jolynda bolǵan jol apatynan keıin 6 bala oblystyq kópbeıindi balalar aýrýhanasyna jetkizilgen. 2009 jylǵy er bala jansaqtaý bóliminde, jaǵdaıy óte aýyr. 2006, 2020, 2013 jáne 2008 jylǵy qyzdar travmatologııa bólimine jatqyzyldy.

Sondaı-aq 3 áıel oblystyq kópbeıindi aýrýhanaǵa jetkizildi. Sonyń ishinde jaǵdaıy ortasha aýyr 2005 jáne 2001 jylǵy qyz neırohırýrgııa bólimshesinde. 1989 jylǵy áıelge qajetti medıtsınalyq kómek kórsetilip, ambýlatorııalyq emdeýge jiberildi.